Kinilala ng pulisya ang mga lumabag sa ilalim ng Anti-Forest Law na sina Luzviminda Janaban, 34; Adelito Bantayan, 21; Michael Pasion, 23; truck driver na si Reynaldo Flores, 43; Benjamin dela Cruz, 23; Cresbel Veranio, 19 na pawang residente ng Commonwealth Avenue, Quezon City at sina Rex dela Cruz, 30; at Crispin Galledo, 21.
Sa isinumiteng ulat kay P/Sr. Supt. Edgar Acuña, Bulacan PNP provincial director, nasabat ang mga pinutol na kawayan lulan ng truck (WPC-280) bandang alas-3 ng madaling-araw.
Dahil sa walang anumang takip ang truck na pinaglagyan ng mga pinutol na kawayan na pinaniniwalaang dadalhin sa Metro Manila ay pinara ng mga nagpapatrulyang pulis.
Wala namang maipakitang mga papeles ang mga suspek sa tangkang pagpuslit ng mga kawayan na nagkakahalaga ng P60,000. (Ulat ni Efren Alcantara)