Traysikel hulog sa kanal, 3 todas

CAMP NAKAR, Lucena City – Tatlo kato ang kumpirmadong nasawi, samantala, dalawa pang iba ang malubhang nasugatan makaraang salpukin ng truck saka nahulog sa kanal sa kahabaan ng Quirino Highway sa Barangay San Vicente, Tagkawayan, Quezon kamakalawa ng umaga.

Kinilala ng pulisya ang mga biktimang nasawi na sina Alfredo Rodriguez, triker ng Brgy. San Diego; Sandy de Leon, 35 at Veronica Loreto, 71, ng Brgy. San Francisco.

Samantala, ang grabeng nasugatan ay nakilalang sina Fred Recana, 28 at Natalia Mapacpac, 50, na ngayon ay nasa Tagkawayan Emergency District Hospital.

Ayon sa pulisya, naganap ang aksidente dakong alas-7:30 ng umaga matapos mawalan ng kontrol ang truck (GEB-703) na minamaneho ni Gerardo Ereve ng Pasig City saka sinalpok ang trike na naging sanhi upang mahulog ito sa kanal. (Ulat ni Tony Sandoval)