Utol ni Robin dedo sa road mishap

LABO, Camarines Norte– Hindi na nagawang maisalba pa ng mga doktor sa kamatayan ang utol ni Robin Padilla makaraang masalpok ng truck ang sinasakyang van nito sa kahabaan ng Maharlika Highway sa Purok 4, Brgy. Masalong kamakalawa ng umaga.

Bandang alas-2 ng hapon nang bawian ng buhay sa Lourdes Hospital si Resty Padilla, may asawa at ABC president sa bayan ng Jose Panganiban, Camarines Norte dahil nagkabali-bali ang buto at mga sugat sa iba’t ibang bahagi ng katawan.

Habang ang kasama nitong babae na hindi pa matukoy ang pangalan ay kritikal ang kondisyon.

Sa ulat ni SPO1 Emir Valeros, naganap ang road mishap bandang alas-9 ng umaga matapos na magkarambola ang tatlong sasakyan dahil sa pagkakasalpok ng truck ng Cola-Cola (UBS-450) at isa sa mga sasakyan ay pag-aari ng biktima.(Ulat ni Francis Elevado)