3 informer inambus ng mga NPA, todas

Tatlong kalalakihan kabilang na ang dalawang espiya ng militar ang kumpirmadong nilikida ng mga rebeldeng Moro Islamic Liberation Front habang naglalakad ang mga biktima sa Brgy. Landang Gua, Sacol island, Zamboanga City kamakalawa ng hapon.

Base sa ulat mula sa Camp Crame, nakilala ang mga biktima na sina Aton Aborong, isang miyembro ng CAFGU; Ayub Nahalul at Alang Jubail na kapwa espiya ng militar.

Siniguro ng mga rebelde na patay na ang mga biktimang binistay ng bala ng baril bandang alas-2:30 ng hapon bago tumakas sa kagubatan ng nabanggit na barangay. (Ulat ni Joy Cantos)