Kinilala ni P/Insp. Caesar Aquino, hepe ng pulisya ng bayang ito, ang suspek na si Nomer Macalalad, 33, isang Social Science instructor ng naturang eskuwelahan, tubong Oriental Mindoro at residente ng naturang barangay.
Ang suspek ay dinakip ng pulisya dahil sa reklamong inihain ng bikti- mang itinago sa pangalang "Gina" na tumatayong katulong ng pamilya Macalalad.
Sa isinumiteng affidavit ng biktima. Lumalabas na ginahasa umano siya ng suspek sa apat na magkahiwalay na petsa noong Agosto 15 dakong alas-6 ng umaga; Agosto 25 dakong alas7 ng gabi; Sept. 15 at 29 bandang alas-12 ng tanghali at alas-8 ng gabi.
Naisasagawa ang maitim na balak kapag umaalis na ang live-in partner ni Nomer, dagdag pa sa ulat ng pulisya.
Nagawang tumakas ni Gina matapos na gulpihin ng suspek noong Disyembre 20, 2001 dahil sa ipinagbigay alam niya ang pangyayari sa ka-live-in ni Nomer.
Pinabulaanan naman ni Nomer Macalalad ang lahat ng akusasyon ng biktima dahil sa may mga kasama pang iba ito sa bahay maliban sa kanyang live-in.
Inakusahan din Nomer ang biktima na tinuruan lamang ng pulisya at social service officers kung ano ang sasabihin sa affidavit. (Ulat ni Arnell Ozaeta)