Ang biktimang si Felipe Jagonos, 35, binata, obrero ng R.A Tagala Construction Corporation at residente ng Blk. 205, Lot 18, Phase 5, Brgy. Paliparan ng bayang ito.
Samantalang hanggang sa kasalukuyan ay hindi pa rin nakikilala ang suspek na matapos salpukin ang biktima ay mabilis itong tumakas.
Sa isinagawang imbestigasyon ni SPO1 Isagani Simera, may hawak ng kaso, dakong alas-10 ng gabi habang ang biktima ay naglalakad sa kahabaan ng nasabing lugar ng bigla na lamang salpukin ng nasabing sasakyan.
Sa halip na tulungan ang biktima na madala sa ospital ay basta na lamang ito iniwanan ng hindi nakilalang suspek.
Nananawagan naman ang mga kamag-anakan ng biktima sa sinumang nakasaksi o nakakita sa naganap na insidente ay tulungan sila upang agad na maresolba at mahuli ang suspek. (Ulat ni Cristina Go-Timbang)