Nakilala ang biktima na si Frederick Almasan, 16, high school student ng Therese St., Purok 1 Zone 6, Brgy. Cupang ng lungsod na ito.
Samantala, ang mga suspek na ngayon ay nasa Antipolo detention cell ay nakilalang sina Jeffrey Estrellas, 16, ng Hermas Subdivision; Roger Belosillo, 19, ng Area Dela Paz, Peñafrancia at Neptali Carios, ng Sitio Taguire at dalawang hindi pa nakikilalang suspek na pawang residente ng Brgy. Cupang, Antipolo.
Sa ulat ng pulisya, naganap ang pangyayari dakong ala-1:30 ng madaling araw sa may Crestview Subdivision, Brgy. Mayamot, ng lungsod na ito. Nabatid na nakatambay ang grupo ng mga suspek na tinatawag nilang Homeboys Fraternity nang dumating ang kalabang grupo na kinabibilangan ni Almasan.
Dito nagkaroon ng komprontasyon ang dalawang grupo hanggang sa magkaroon ng batuhan sa pagitan nila. Isa sa mga suspek ang may dalang sumpak ang bumaril sa biktima na duguang bumagsak matapos itong tamaan. (Ulat ni Danilo Garcia)