Ayon kay Supt. Normandy Carpio, hepe ng Rizal Criminal Detection and Investigation Group (RCDIG), isinasailalim na nila sa interogasyon ang dalawang Indian nationals na nakilalang sina Penkej Komar, 27; at Pankaj Jain, 20, kapwa residente ng 3115 Gladness St., Annex 18 Better Living, Parañaque City.
Samantala, inaalam pa ang pagkakakilanlan ng Pakistani national at isang Pinoy na may puntong Mindanaon na kasama ang dalawang nadakip na tumuloy sa Gems Hotel sa may Circumferential Road, Antipolo City noong nakaraang Setyembre 16, isang araw bago naganap ang pagsabog sa may Rempson Supermarket sa may Lopez Jaena St., Brgy. San Jose.
Dalawang bumbero ang nasaktan sa naturang pagsabog habang apat na stalls ang nawasak at may 7 kabahayan ang naapektuhan sa naturang pagsabog. (Ulat ni Danilo Garcia)