Misis na may kanser nagpasiyang mag-suicide

CATANAUAN, Quezon – Isang 42-anyos na misis ang nagpakamatay sa pamamagitan ng paglaslas ng kanyang pulso makaraang mabatid ng biktima na may kanser siya sa obaryo, kamakalawa ng madaling araw sa Brgy. Bulagsong ng bayang ito.

Kinilala ni Quezon PNP director P/Supt. Roberto Rosales ang biktima na si Flora Pilar ng nabanggit na barangay.

Ayon sa ulat ng pulisya, huling namataan ang biktima na matamlay bago matagpuan ang bangkay sa tinitirhang bahay na pinaniniwalaang nagpakamatay bandang alas-4 ng madaling araw. (Ulat ni Tony Sandoval)