Hindi na binanggit ang pangalan ng mga biktima na pawang nasa edad 15 hanggang 19 anyos na estudyante ng high school at college na nakatira sa Bacoor, Cavite.
Samantala ang suspek na agad inaresto ng pulisya ay nakilalang si Rash Paul Singh,22,binata,negosyante at residente ng lalawigan ng Pampanga.
Sa pahayag ng mga biktima kay SPO1 Wency Tubay na dakong alas 3:00 ng hapon habang ang magkakaibigang biktima ay lumalangoy sa swimming pool ng Double V Resort na matatagpuan sa Bgy.Burol ay nakaramdam ang bawat isa sa kanila na may humihipo sa maseselang parte ng kanilang katawan.
Napansin nila ang suspek na nasa ilalim kaya inakala nilang aksidenteng nasagi lang nito ang kanilang maseselang parte ng katawan habang ito ay lumalangoy.
Muli umano nakiramdam ang mga biktima nang sumisid muli ang suspek sa ilalim at dito ay kitang-kita nila na sinasadya ang panghihipo sa kanila.
Agad na nagsiahon ang mga biktima at nagharap ng reklamo sa pulisya at inaresto ang suspek na nahaharap sa kasong acts of lasciviousness. (Ulat ni Cristina Go-Timbang)