Kinilala ng pulisya si Milanie Peralta, isang estudyante at residente sa naturang lugar.
Samantala, ang suspek na kaagad na tumakas ay nakilalang si PO3 Paulito Peñafiel, nakatalaga sa bayan ng Manito, Albay at residente ng Pio Duran, Albay.
Batay sa ulat ng pulisya, ang insidente ay naganap dakong alas-5:15 ng hapon habang ang suspek at biktima ay kapwa nakasakay sa pampasaherong jeep patungong Pio Duran. Bigla na lamang pumutok ang dalang M-14 rifle service firearm ng suspek at tinamaan ang biktima sa kanang bahagi ng katawan.
Napag-alaman na ang biktima ay nakasakay sa top load ng naturang pampasaherong jeep dahil ito ay puno ng pasahero kaya nagtiis na lamang sa itaas ng jeep umupo.
Mabilis namang ibinalik ng driver ng jeep ang kanyang minamaneho para dalhin ang biktima sa naturang pagamutan subalit hindi na ito umabot pa ng buhay sa Josefina Belmonte Duran Memorial Hospital.
Kasalukuyang pinaghahanap ng mga awtoridad ang suspek na tumakas matapos ang insidente. (Ulat ni Ed Casulla)