Pulis na nakapatay sa 8 NPA rebels, itinaas ng ranggo

Itinaas ng ranggo kahapon ni PNP Director General Panfilo Lacson ang may 26 miyembro ng pulisya na naka-engkuwentro at nakapatay sa walong miyembro ng New People’s Army kabilang ang tatlong amasona kamakailan sa Batangas City.

Kabilang sa mga itinaas ng ranggo sa isang simpleng seremonya kahapon ng umaga sa Batangas Provincial Police office ay sina Chief Inspector Marcillano Villafranca,Senior Inspector Marcos Barte, Spo4 Demetrio Berayo, Spo3’s Pablo Agtay, Eduardo Dimaano, Delfin Alea, Felixberto Cabungcal at Spo2 Rolando Mullon at ang nasugatang si Spo3 Nicolas Closa at 17 miyembro ng Batangas PNP.

Ayon kay Provincial Director, Supt. Florante Baguio na nagsasagawa ng routine patrol ang kanyang mga kasamahan sa pinamumugaran ng mga NPA ng sila ay paputukan ng mga rebelde. (Ulat ni Rudy Andal)