Suns umiskor ng panalo sa Magic

PHOENIX — Bumanat si Devin Booker ng 30 points at nagdagdag si Dillon Brooks ng 24 markers sa 117-104 pagsunog ng Suns sa Orlando Magic.

Nag-ambag si Miles Bridges ng 18 points at season-high 13 rebounds para sa Phoenix (2-5) na tinapos ang kanilang four-game losing slump.

Kumonekta sina Booker at Brooks ng back-to-back three-point shots sa gitna ng third quarter para ibigay sa Suns ang 78-60 kalamangan patungo sa 96-73 paglayo sa fourth period.

Ang triple ni Collin Gillespie sa 9:20 minuto ng final canto ang nagbaon sa Magic sa 30-point deficit.

Sa San Francisco, nag­pasabog si Stephen Curry ng 29 points kasama ang anim na three-point shots, habang kumolekta si roo­kie Yaxel Lendeborg ng 17 points, walong rebounds at anim na assists sa 120-100 pagtambak ng Golden State Warriors sa Miami Heat.

Ito ang ikaanim na sunod na arangkada ng Warriors (6-3) matapos ang 0-3 panimula sa season.

Humakot si Giannis Antetokounmpo ng 20 points at 14 rebounds para sa Heat.

Show comments