Halimuyak ni Aya (86)

“MARAMI pa naman akong ikukuwento sa’yo Aya,” sabi ni Sam na nakangiti habang nagsasalita. Aliw na aliw sa pag-uusap nila.

“Ako rin, marami rin akong ikukuwento sa’yo Sam.’’

“Ano yun.”

“Mauubusan ka ng load kapag ikinuwento ko sa iyo sa phone.’’

“Kahit na ako maubusan. Okey lang. Ikuwento mo na, Aya.’’

“Huwag. Pag-uwi na lamang namin.’’

“E hindi mo nga masabi kung kailan kayo uuwi di ba?”

“Basta sa pag-uwi ko na lang ha?”

“Sige, Aya.’’

Natahimik ang linya.

“Aya?”

“Oo narito pa ako.’’

“Bakit natahimik?”

“Kasi’y parang duma-ting na si…’’

“Sino?”

“Si Tito Janno…sige Sam ha. Basta tawag-ta­wag ka lang ha?”

“Aya! Aya, teka…”

Pero nai-off na ang phone.

Hinayang na hinayang si Sam.

May kumatok. Bumukas. Si Tatay Ado.

“Nagkausap kayo ni Aya, Sam?”

“Opo. Pero sandali lang. Bigla raw may dumating....’’

Hindi na nagtanong      si Tatay Ado.

HINDI pa rin nakada-law sina Aya ng summer na iyon. Hanggang mag-first year high school sa isang private school si Sam. Maraming kakla­seng babae ang lihim na humanga sa kanya. Guwapo na raw ay matalino pa. (Itutuloy)