Ang bongga naman ni Alex Gonzaga na napapayag si Gretchen Barretto sa kanilang collab.
Ipinost ng kapatid ni Toni ang video nila ni La Greta na may caption na “Boom. Dream collab. Pati sa ganitong kalokohan buti pumayag siya.”
Mabuti nga raw at napapayag ito ni Alex sa kalokohan niya at sey nga ng mga tagahanga nito ay lokaret nga rin daw kasi ito kaya hindi imposibleng pumayag ito.
Ang dami ngang natuwa na nagbabalik na raw ang nanay ni Dominique Cojuangco na matagal na ngang hindi na aktibo kahit sa social media at paminsan-minsan na lang nakikita ang litrato pero hot item pa rin.
‘Kaloka wala pa rin talagang kupas ang ganda at kaseksihan ni Gretchen at parang hindi tumatanda.
Parang hindi nga nagkakalayo ang edad nila ni Alex.
Alaga talaga ni Greta ang katawan niya sa workout.
Sabik na ang netizens na mapanood ang collab nina Alex at Gretchen.
Inaabangan nila kung ano raw kaya ang kalokohang ginawa ni Alex kasama ito.
Heaven at Marco, lantaran ang landian!
Ang bongga naman nina Heaven Peralejo at Marco Gallo na lantaran na ang relasyon.
Ipinost ng aktor ang lambingan nila na may nakalagay sa video na “Baxorexia
“an intense desire to kiss someone” na may background music na Until I Found You, at may caption na “Live photos are a hidden treasure.”
In fairness walang nag-nega sa landian nila kahit nagtukaan pa sila, at mas marami ang kinilig lalo na at si Marco ang nag-flex ng relasyon nila.
Ang sarap nga raw panoorin ng mag-jowa dahil ang sarap daw maging bata at ma-in love.
Well, walang masama. Mas importante na i-enjoy habang bata noh dahil ‘pag tumanda na sila, nganga na. Hahaha.