CAVITE, Philippines — Aabot sa mahigit P200K halaga ng iba’t ibang klase ng mga paputok ang nakumpiska ng pulisya at inaresto ang dalawang nagtitinda nito sa isinagawang buybust operation ng grupo sa dalawang lugar sa lalawigang ito, kamakalawa.
Dakong alas-4:30 ng hapon nang ilatag naman ng RID4A sa Brgy. Maderan, Gma, Cavite sa pangunguna ni Police Captain John Marc Presbitero ang isang buy-bust operation laban sa suspek na si alyas “Maki”, ng Brgy. Poblacion 4, GMA, Cavite.
Nakumpiska rito ang may 20 piraso ng Tuna firecrakers at 30 piraso ng Kabase firecrackers na aabot sa halagang P10,000.
Umabot naman sa mahigit P150,000 na iba’t ibang uri ng mga paputok ang nakumpiska sa sumunod na operasyon sa Brgy. De Ocampo, Trece Martires City, Cavite.
Alas-8:30 ng gabi nang magsagawa ng buy-bust operation ang Regional Intelligence Division (RID)-4A special team at Trece Martires City Police laban sa suspek na si alyas “Renz”, at nakumpiska sa kanya ang sandamakmak na iba’t ibang uri ng paputok.