MALOLOS CITY, Bulacan, Philippines — Nasa P1,538,504.80 halaga ng iligal na droga ang nasamsam habang 68 indibiduwal ang naaresto sa magkakahiwalay na buy-bust operation ng pulisya sa lalawigang ito.
Sa report na nakarating kay Bulacan Police director PCol. Satur Ediong, ikinasa ang kaliwa’t kanang operasyon simula December 2 hanggang December 8 taong kasalukuyan.
Nabatid na umabot sa 40 ang ikinasang operasyon ng pulisya sa iba’t ibang lugar sa lalawigan na may 68 drug suspects ang naaresto.
Nakumpiska sa mga operasyon ang 222.02 gramo ng shabu at 239.74 gramo ng marijuana na may kabuuang halaga na P1,538,504.80.
Nahaharap ang mga suspek sa kaukulang kaso habang nakakulong sa mga istasyon o yunit ng pulisya na humuli sa kanila.