CAVITE, Philippines — Arestado ang isang lalaking hinihinalang tulak ng droga makaraang makuhanan ng mahigit 250 gramo ng shabu sa inilatag na buy-bust operation ng pulisya sa Brgy. Poblacion 2, Alfonso, Cavite kamakalawa ng hapon.
Kinilala ang suspek sa alias na Stephen, nasa hustong gulang at residente ng nasabing lugar.
Sa ulat ng pulisya, ala 1 ng hapon nang magkasa ng buy-bust ang puwersa ng Station Drug enforcement Unit (SDEU) Alfonso sa pangunguna ni Police Major Robert Dimapilis laban sa suspek.
Ayon sa mga ito, ilang araw din nilang sinubaybayan ang suspek at nang magpositbo ay iniltag ang operasyon.
Nakumpiska sa suspek ang mahigit 250 gramo ng marijuana na nasa 2 vacuum sealed pack, ang buy-bust money na ginamit sa operasyon, isang techno cellphone, isang pulang Honda click na may plate number 389 QUQ, at isang gray belt bag na pinaglagyan ng marijuana.