MANILA, Philippines — Pinulong ni Bacoor City Mayor Strike Revilla ang mga nagwagi na Punong Barangay sa Bacoor, Cavite nitong Miyerkules, upang magbigay payo para sa maayos na pagseserbisyo sa kanilang mga constituents.
“Ngayong tapos na po ang barangay election, panahon naman na tuparin natin ang ating mga magagandang nais na mangyari sa mga barangay sa ating lungsod. Suklian niyo po ang inyong mga nasasakupan tapat na serbisyo na kanilang tiyak na inaasahan,” paumpisang pahayag ng alkalde ng Bacoor City na 24/7 kung magserbisyo sa nasasakupan.
Naging mapayapa ang barangay eleksyon kamakailan sa lungsod ng Bacoor dahil na rin sa paghimok ni Mayor Strike sa mga tumakbo na incumbent at bagong naghangad makaupo para sa barangay level positions.
“Sa pagkakaisa natin, sigurado po ako na mas uunlad at aasenso ang Bacoor City. At ang makikinabang nito ay walang iba kung hindi ang ating mga mahal na Bacooreños. Mahal natin sila at serbisyuhan ng tapat at taos-puso,” mahigpit na bilin ni Revilla sa mga bagong Punong Barangay.