CAVITE, Philippines — Magkasama na sa kulungan ang magkaibigan, matapos na matiklo ang isang babaeng dumalaw sa kaniyang kaibigang nakakulong nang makuhanan ng shabu na nakatakda sana nitong ibigay sa kanyang kaibigan, kamakalawa sa isang piitan sa Brgy. Burol 2, Dasmariñas City.
Nakilala ang suspek na nahaharap sa kasong paglabag ng Section 5 at 11, Art. II ng RA 9165 ang suspek na nakilalang si Estel Chano Monsalud, nasa hustong gulang, residente ng Dasmariñas City, Cavite.
Sa ulat, alas-9 ng umaga nang masamsaman ang suspek ng droga habang dumadaan sa body searching bago makapasok sa nasabing piitan.
Duty jail officer ng mga oras na iyon si JO1 Rachel C Bergado, ng Dasmariñas BJMP at nang kapkapan nito ang suspek ay nadiskubre ang nakasingit na isang maliit na plastic sachet ng shabu sa isang bahagi ng katawan nito sanhi ng kanyang pagkakaaresto.