CASIGURAN, Sorsogon, Philippines — Bulagta sa harap ng kanyang mga kainuman ang isang magsasaka matapos pagbabarilin ng hindi nakilalang gunman sa Brgy. Burgos, Casiguran, Sorsogon kamakalawa ng gabi.
Namatay noon din dahil sa tama ng punglo sa iba’t ibang bahagi ng katawan ang biktimang kinilalang si Jellieto Hara Bueza, 54-anyos, binata at residente ng naturang lugar.
Sa ulat, dakong alas-10:30 ng gabi habang masayang nakikipag-inuman ang biktima sa kanyang mga kaibigan sa bahay na pag-aari ng nagngangalang Leonida Igloso nang biglang sumulpot ang hindi nakilalang suspek na armado ng hindi malamang kalibre ng baril.
Sa hindi malamang dahilan ay walang kaabug-abog na pinagbabaril ang biktima na agarang nasawi.