CABANATUAN CITY, Nueva Ecija, Philippines — Isang hinihinalang ‘vintage bomb’ ang nahukay at nadiskubre ng mga obrero sa ginagawang extension ng tulay ng Valdefuente, sa kahabaan ng Maharlika Highway, Barangay Valdefuente, rito, kamakalawa ng hapon.
Ayon sa Cabanatuan City Police, bandang ala-1 ng hapon nang itawag sa kanilang istasyon ng traffic enforcer na si Simeon Flores, 53, ang natagpuang unidentified metal object na hinihinalang isang vintage bomb na ipinagbigay-alam sa kanya ng mga nakahukay na obrero.
Agad namang ipinabatid ng city police ang insidente sa Nueva Ecija Police EOD at PECU team na siyang kumuha nito for ‘safekeeping’ na malayo sa ikapapahamak ng mga sibilyan.