FREEPORT, Philippines — Nasabat ng Bureau of Custom-Port of Subic ang isang 1x40’ container na naglalaman ng iba’t ibang tobacco products mula sa bansang China na nagkakahalaga ng P40.1-M.
Ang pagkakasabat ay bunsod ng Pre-Lodgment Control Order na inisyu ni Port’s District Collector Maritess Martin base sa rekomendasyon ng Customs Investigation and Intelligence Service-Field Station dahil sa umano’y paglabag sa National Tobacco Administration (NTA) Memorandum Circular No. 03 Series of 2004 at NTA Board Resolution No. 079-2005, in relation to Section 1113 (f) of the Republic Act No. 10863 or the Customs Modernization Tariff Act (CMTA).
Sa isinagawang physical examination at imbestigasyon, lumabas na ang nasabing shipment ay walang Import Clearance, Authority to Import, Authority to Transship Tobacco Products o Transshipment Commodity Clearance Inbound mula sa National Tobacco Administration (NTA).
Ayon kay District Collector Martin, kinakailangan ang mga kaukulang permit bago ang importasyon dahil sa pamamagitan nito ay nalalaman ang legalidad ng isang shipment.