SAN ANTONIO, Zambales , Philippines — Dalawang katao ang nasawi habang dalawa ang nasugatan sa naganap na salpukan ng dalawang motorsiklo, noong Sabado sa Sitio Loong, Barangay Luna ng bayang ito.
Kapwa idineklarang dead on arrival sa San Marcelino District Hospital ang motorcycle riders na sina Steven Fariñas,18, at Jomari Garcia, 19.
Sa imbestigasyon ng pulisya, na si Garcia ay minamaneho ang motorsiklo at binabaybay ang southbound papunta sa bayan ng San Marcelino, alas-11:00 ng gabi nang ito ay sumalpok sa isa pang motorsiklo na minamaneho ni Fariñas patungong northbound.
Ang sakay naman ni Fariñas na sina Jonel Barantes, 22, at 12-anyos na batang lalaki ay tumilapon at bumagsak sa kalsada at sila rin ay dinala sa nasabing ospital para malapatan ng lunas.