CAVITE , Philippines — Patay ang isang rider makaraang maipit sa karambola ng tatlong sasakyan kabilang ang minamaneho nitong motorsiklo kamakalawa ng hapon sa Gov. Drive, Brgy. Manggahan, Gen Trias City.
Hindi na umabot pang buhay sa pagamutan ang biktimang si Elmer Capillan Dalida, 35-anyos, construction worker at driver ng Rusi Kraken motorcycle na may plakang 169 DPJ.
Bahagya namang nasugatan ang driver ng jeepney na si Gerry Reginaldo Amoroso, 36 at nurse na si Alva Shiela Paiton Bencito, 33-anyos na nagmamaneho ng motor
Sa ulat, alas-5:30 ng hapon nang maganap ang insidente habang sakay si Dalida ng kanyang Rusi motorcycle at bumabagtas sa nasabing lugar. Galing ng intersection ang biktima nang hindi ito mapansin at masalpok ni Amoroso na nagmamaneho ng Toyota jeepney (DRK 795). Sumadsad ang biktima patungo sa parating na isa pang Yamaha Mio Sporty Motorcycle (3555WT) na minamaneho naman Bencito.