MANILA, Philippines — Isang dating miyembro ng Sexbomb Dancers ang naaresto ng pulisya sa drug buy-bust operation ng pulisya sa San Pablo City, kahapon.
Kinilala ni Police Colonel Eleazar Matta, provincial director ng Laguna Police, ang dating miyembro ng Sexbomb Dancers na si Sheena Joana Roño Uypico, 34, at ang mga kasama niya na drug suspect na sina Melrose Uypico, 32, at Elmer Señoreses, 40-anyos.
Sinabi ni Matta, ang mga suspek ay nasa drug watchlist ng Philippine National Police (PNP). Nakuha mula sa kanila ang anim na plastic sachet na naglalaman ng hinihinalang shabu nasa P40,000; P1,000 buy-bust money; isang cellphone, Toyota Corolla Sedan, mga pakete ng sigarilyo at P4,000 cash.