MANILA, Philippines — Isang flower farm manager ang pinagbabaril ng hindi pa kilalang suspek, kamakalawa ng umaga sa Sitio Lemblisong, Brgy. Kablon, Tupi, South Cotabato.
Ang nasawi ay kinilalang si Jeffrey Calanao, 31, ng General Santos City na ang bangkay ay natuklasan pasado alas-10:00 ng umaga sa loob ng umaandar nitong pick-up sa gitna ng pineapple plantation.
Kabilang sa mga narekober ng mga pulis sa crime scene ang relo,wallet na may mahigit P12,000 at cellphone nito.
Malaki ang hinala ng pulisya na may nakaalitan ang biktima na manager ng Eden Garden Park sa Tupi, South Cotabato na dinarayo ng mga turista dahil sa malawak na pataniman nito ng Chrysanthemum.
Hinala na maaring sinundan ng mga salarin ang biktima na papasok sa trabaho at pinagbabaril pagdating sa lugar.