TUGUEGARAO CITY, Cagayan , Philippines – Dalawa-katao ang sumalubong kay kamatayan sa naganap na magkahiwalay na aksidente ng motorsiklo sa bayan ng Roxas, Isabela at bayan ng Maddela, Quirino kamakalawa. Basag ang bungo at nagkabali-bali ang buto ni Arnel Salacup nang makipagsalpukan ang kanyang motorsiklo sa kasalubong ng Mitsubishi Pajero SUV na minamaneho ni Alex Bernal sa kahabaan ng highway sa Barangay Lucban, bayan ng Roxas, Isabela. Lumalabas sa imbestigasyon na nag-overtake sa sinusundang sasakyan si Salacup nang makasalpukan ang SUV ni Berna?I. Idineklarang patay sa Roxas District Hospital ang biktima. ?Samantala tumama sa concrete flower box sa gilid ng kalsada si AJ Balbin nang salpukin ng kanyang scooter ang palikong traysikel ni Luis Mostales sa Barangay Buenavista, bayan ng Maddela, Quirino. Nagtamo ng matinding tama sa ulo si Balbin kaya hindi na nakarating ng buhay sa ospital.