TUGUEGARAO CITY, Cagayan, Philippines – Napatay ang 34-anyos na mangingisdang senglot na sinasabing nagwala matapos itong pagbabarilin ng nagbabakasyong pulis-Pasay sa Barangay Paddaya, bayan ng Aparri, Cagayan noong bisperas ng Pasko. ?
Kinilala ni SPO1 Emmanuel Padul ang napatay na si Regie Rivera ng Barangay Maura habang sumuko naman ang suspek na si PO1 Roderick Ortiz, 29, ng nasabing barangay.
Lumalabas sa imbestigasyon na bago ang Noche Buena ay sinugod ni Rivera ang bahay ng dating ka-live-in nitong si Nora Alviar na kanyang kinaladkad palabas ng bahay.?
Dahil sa komosyon ay lumabas ang kapitbahay na si P01 Ortiz at nagpaputok ng kanyang cal. 9mm pistol sa ere kaya tumakbo palayo ang biktima habang minumura ang pulis.?
Gayon pa man, sinundan ng pulis saka niratrat at napatay ang biktima sa tapat ng bahay ni Kagawad Angelito Mape.?