NORTH COTABATO, Philippines – Pinabulagta ang beteranong pulis matapos itong tambangan ng riding-in-tandem assassins sa kahabaan ng national highway sa Purok 6, Barangay Villa Kananga sa Butuan City, Agusan del Norte kamakalawa ng gabi. Napag-alamang nagmomotorsiklo ang biktimang si SPO2 Roldan Damayu nang biglang may nag-overtake sa kanya at pinagbabaril ito. Nang sumemplang ang biktima ay hindi pa nakontento ang gunman kung saan bumaba ito sa motorsiklo at binaril uli sa ulo sabay kuha sa service firearm ng pulis na naka-assign sa intelligence section ng Butuan City PNP.