LEGAZPI CITY, Albay, Philippines – Patay ang 38-anyos na binata matapos itong pagsasaksakin ng kanyang kuya kaugnay sa away pamilya kamakalawa ng gabi sa Purok 4, Barangay San Antonio sa Tabaco City, Albay. Hindi na umabot ng buhay sa Ziga Memorial District Hospital ang biktimang si Valentine Lojica habang nasakote naman ang suspek na si Raymundo Lojica, 46, biyudo, at kapwa nakatira sa nasabing barangay. Nabatid na nakipagtalo ang biktima sa anak ng suspek sa harapan ng tindahan ng utol nito. Gayon pa man, mabilis na umuwi ang anak na si Joseph saka nagsumbong sa suspek kung saan kinompronta naman ang biktima na nauwi sa pananaksak.