MANILA, Philippines - Bumulagta ang limang rebeldeng New People’s Army (NPA) makaraang makasagupa ang tropa ng militar sa naganap na bakbakan sa liblib na bahagi ng Barangay Mabuhay, bayan ng Prosperidad, Agusan del Sur kamakalawa. Sa pahayag ni Captain Jasper Gacayan ng Army’s 401st Infantry Brigade, nagpapatrulya ang tropa ng militar nang makasagupa ang mga rebelde na sinasabing nagsibaba mula sa kabundukan. Tumagal ng 40-minuto ang bakbakan hanggang sa mapatay ang limang rebelde na sinasabing tinangay ng mga kasamahang NPA. Narekober sa encounter site ang isang AK47 rifle, isang rifle grenade, 5-blasting caps, ICOM radio, dalawang electrical detonating switch, cellphone, 200 metrong electrical detonating wire, 5-backpacks, at mga subersibong dokumento.