OLONGAPO CITY, Philippines— Isang hindi kilalang lalaki na pinaniniwalaang sinalvage ang natagpuan malapit sa lumang lighthouse sa Barangay Kalakhan, Olongapo City kahapon ng umaga. Kasalukuyang inaalam ng pulisya ang pagkakakilanlan sa biktimang nakagapos ang mga kamay at leeg kung saan ang mukha ay binalutan ng itim na tela. Nasa edad 20 ang biktima na naka-asul na long-sleeve shirt at short at may tattoo na “Randy” sa kanang braso. Narekober sa crime scene ang isang basyo ng bala ang cal. 45 pistol habang iniimbestigahan ng pulisya. Base sa tala ng pulisya, natagpuan din ang 45-anyos na si Alex Paloma na may mga tama ng bala ng baril sa katawan at nakagapos din ang mga kamay sa nasabing lugar noong Sept. 20, 2015.