TUGUEGARAO CITY, Philippines – Pinabulagta ng pinaniniwalaang hired killer ang isang 71-anyos na bank executive sa harap ng kanyang nasindak na misis na nasugatan din sa nangyaring pag-atake sa kanilang bahay sa Barangay Muñoz West, Roxas, Isabela noong bisperas ng Pasko.?
Sa report na nakarating kay Isabela Police Director Sr. Supt. Leon Rafael; inaayos ni Herminio Ocampo, Chief Executive Officer (CEO) ng First Isabela Cooperative Bank ang kanilang bagahe sa kotse nang pagbabarilin ng gunman mula sa likuran dakong alas-4:30 ng umaga.?
Ayon sa kaanak ng mga biktima na si Elizabeth Aquino, 58, bibiyahe sana ang biktima kasama ang misis sa Pampanga kung saan sila magpa-Pasko nang maganap ang insidente.?
Nasugatan sa hita ang misis ng biktima na si Lydia Ocampo, 64, nang tamaan ng ligaw na bala.?
Isinugod ang mag asawa sa isang hospital sa Cauayan City subalit nalagutan ng hininga ang bank official sanhi ng tatlong tama ng bala sa ulo at katawan.?
Mahinahon umanong naglakad palayo sa crime scene ang suspect matapos ang pamamaril.?