MANILA, Philippines – Napatay ang 43-anyos na mister habang kritikal naman ang ka-live-in nito makaraang pagbabarilin ng mga hindi kilalang lalaki sa bayan ng Sominot, Zamboanga del Sur kamakalawa ng gabi. Labingtatlong bala ang tumapos sa buhay ni Edwin Canillo habang isinasalba naman ang buhay Vivian Barete sa Mhars Hospital sa Pagadian City kung saan tinamaan ito sa ulo. Sa ulat ng pulisya na nakarating sa Camp Crame, naganap ang pamamaril sa bisinidad ng Purok 4 sa Brgy. New Carmen dakong alas-10 ng gabi. Armado ng hindi pa natukoy na kalibre ng baril ay pinagbabaril si Canillo kung saan nadamay naman ang ka-live–in nito habang patuloy naman ang imbestigasyon.