TUGUEGARAO CITY, Cagayan, Philippines – Bumulagta ang 67-anyos na trader matapos itong ratratin ng riding-in-tandem gunmen sa Barangay Dugo, bayan ng Camalaniugan sa Cagayan kamakalawa. Sa police report na nakarating kay P/Chief Insp. Virgilio Dorado Jr. hepe ng Camalaniugan PNP, kinilala ang biktimang napuruhan sa ulo na si Marcos Pascua. Base sa ulat ng pulisya, nasa loob ng kanyang tindahan ang biktima nang bumili ng sigarilyo ang gunman. Gayon pa man, habang sinusuklian ng biktima ang suspek ay umalingawngaw ang malakas na putok ng baril. Duguang bumulagta ang biktima habang tumakas naman ang gunman lulan ng motorsiklo.