5 tiklo sa pagtutulak ng droga

NORTH COTABATO, Philippines – Kulungan ang binagsakan ng lima-katao sa inilatag na buy-bust operation ng mga awtoridad sa Koronadal City, South Cotabato kahapon ng madaling araw. Sa isinagawang joint operation ng Koronadal City PNP sa pamumuno ni P/Chief Inspector Rey Develos Egos at ng City Anti-Drug Abuse Council, unang nasakote ang suspek na si Jason Mama Kusain, 24, ng Parsacala Street sa Barangay Rosary Heights 10 sa Cotabato City, Maguindanao. Nasamsam kay Kusain ang dalawang jumbo packs ng shabu, mga drug paraphernalias at P500 marked money na ginamit sa operasyon. Nabatid na sakay ng van na may plakang MBM-205 ang apat na suspek kung saan nakumpiskahan ng dalawang big packs, tatlong medium packs ng shabu at mga cellphone. Naaresto rin ang apat na suspek na sina Nasser Kalimama Kadir, 34; Dharen Solaiman Kahaman, 38, ng Barangay Tenorio, Awang, Maguindanao; Salido Amba Talipasan, at si Samula Ligasan Kalantungan, 49, ng Datu Odin Sinsuat, Maguindanao.