BATANGAS, Philippines – Walo-katao ang naaresto ng mga pulis matapos maaktuhan sa pot session sa bayan ng Nasugbu noong Linggo ng gabi. Pormal na kinasuhan ni P/Chief Inspector Pablo Aguda, Jr., hepe ng Nasugbu PNP ang mga suspek na sina Lawrence Destreza, 36, ng #391 JP Laurel St. Barangay 11, Nasugbu, Batangas; Marilou Mojar, Erika Marasigan, Irine Cinco, Willy Villafranca, Jeminiano Bautista, Ernesto Marasigan, at si Isabelo Peñano. Nakipag-ugnayan ang Nasugbu-PNP sa Philippine Drug Enforcement Agency (PDEA), Department of Justice(DOJ), barangay officials at media saka inaresto ang mga suspek sa bahay ni Destreza habang nasa aktong humihitit ng shabu. Nasamsam sa mga suspek ang anim na plastic sachet ng shabu, electronic weighing scale; aluminum foil, disposable lighters; gunting, P300 cash, cal. 38 revolver at limang bala.