CAMARINES NORTE, Philippines - Napaslang ang 21-anyos na anak na sinasabing tumangging makipag-noche buena sa kanyang pamilya makaraang pagtatagain ng sariling ama sa loob ng kanilang bahay sa bayan ang Tigaon, Camarines Sur noong Miyerkules ng madaling araw. Napuruhan sa leeg ang biktimang si Ryan Sta. Maria habang pinaghananap naman ang suspek na si Efren Sta. Maria, 57, kapwa nakatira sa Zone 1, Barangay Salvacion sa nasabing bayan. Base sa police report, inanyayahan ng suspek ang kanyang anak para makasama sa noche buena subalit minasama ito ng biktima na nakikipag-inuman sa kanyang mga kaibigan.
Gayon pa man, sinigawan ng biktima ang kanyang ama kaya biglang nagdilim ang paningin ng suspek at isinagawa ang pananaga. Francis Elevado