MANILA, Philippines - Napaslang ang isa sa kumander ng Bangsamoro Islamic Freedom Fighters matapos makasagupa ang tropa ng militar sa nasilat na pag-atake sa military detachment sa bayan ng Shariff Aguak, Maguindanao kamakalawa ng hapon. Kinilala ni Captain Jo-ann Petinglay ng Army’s 6th Infantry Division ang napatay na si alyas Commander Kamote. Bandang alas-5 ng hapon nang makasagupa ng Army’s 45th Infantry Battalion ang grupo ni Commander Camote sa liblib na bahagi ng Barangay Labo-Labo. Sa palitan ng putok ay nasapul at napatay si Camote kung saan inabandona ng kanyang mga kasamahang nagsitakas. Gayon pa man, walang nasugatan at napatay sa panig ng mga sundalo.