LUCENA CITY, Quezon, Philippines – Hindi na umabot ng buhay sa ospital ang 35-anyos na pawnshop appraiser matapos itong barilin ng isa sa dalawang di-kilalang lalaki sa naganap na holdapan sa loob ng pampasaherong jeepney sa Barangay Cotta, Lucena City, Quezon kamakalawa ng hapon. Nagtamo ng mga tama ng bala ng cal. 45 pistol ang biktimang si Jeneffer Aquino ng St. Jude Village, Purok Tulungan sa nasabing barangay. Sa ulat na nakarating kay P/Supt. Allen Rae Co, hinarang ng riding-in-tandem holdaper ang sinasakyang jeepney ng biktima saka nagdeklara ng holdap. Gayon pa man, pumalag ang biktima dahil sa tangkang kunin ang kanyang bag pero nairita ang isa sa holdaper kaya binoga ito. Kaagad na tumakas ang mga holdaper sakay ng motorsiklo.