TUGUEGARAO CITY, Cagayan , Philippines - Patay ang mag-asawang trader matapos tambangan ng mga di-kilalang lalaki sa bahagi ng Barangay Caringquing, bayan ng Solsona, Ilocos Norte kamakalawa. Kinilala ni P/Senior Insp. Leonardo Tolentino, hepe ng Solsona PNP ang mag-asawa na sina Owen Cariaga at Regelyn Cariaga na kapwa residente sa Barangay Manalpac sa nasabing bayan. Himala namang nakaligtas ang mga anak ng mag-asawa na nagtamo ng galos matapos sumemplang ang kanilang motorsiklo. Ayon sa ulat, papauwi na ang mga biktimang lulan ng motorsiklo nang harangin at ratratin ng mga armadong lalaki. Narekober sa crime scene ang mga basyo ng M-16 Armalite rifle habang patuloy naman ang pagsisiyasat.