LEGAZPI CITY, Albay, Philippines - Napatay ang 56-anyos na barangay chairman habang malubha naman ang kasama nitong driver makaraang tambangan mga di-kilalang lalaki kahapon ng madaling araw sa Barangay Del Rosario, bayan ng Uson, Masbate. Kinilala ang napatay na si Chairman Vicente Hugo ng Barangay Arado habang ginagamot naman sa Rural Health Unit si Marlon Bon, 38. Sa police report, papauwi na ang mga biktimang magkaangkas sa motorsiklo nang harangin at ratratin ng mga armadong lalaki pagsapit sa nabanggit na barangay. Narekober sa crime scene ang ilang basyo ng bala ng baril.