MANILA, Philippines - Dalawang mangingisda ang napatay makaraang ratratin ng riding-in-tandem assassins sa naganap na pananambang sa kahabaan ng provincial road sa Barangay Calatunan, bayan ng Sindangan, Zamboanga del Norte kamakalawa ng gabi. Kapwa idineklarang patay sa Sindangan District Hospital sina Rubencio del Coro, 48; at Roberto del Coro, 59; mga nakatira sa Barangay Ramon Magsaysay sa nasabing bayan. Sa ulat na nakarating kay P/Inspector Dahlan Samuddin, PNP regional spokesman, pauwi na ang mga biktimang lulan ng motorsiklo nang tambangan dakong alas-10:30 ng gabi. Narekober sa crime scene ang mga basyo ng bala ng cal. 45 pistol.