TUGUEGARAO CITY, Cagayan, Philippines – Dahil sa pagbalewala sa kautusan ng kinauukulang ahensya ng pamahalaan na bawal ang traysikel sa kahabaan ng highway ay sinalubong ni kamatayan ang 60-anyos na lolo habang kritikal naman ang dalawa nitong pasahero makaraang salpukin ng truck ang kanilang sasakyan kamakalawa sa Barangay Quezon, bayan ng San Isidro, Isabela. Kinilala ng pulisya ang namatay na si Bernardo Meneses ng Barangay Cabugao, Echague habang ginagamot naman sa Echague District Hospital ang mga sugatang sina Marcelina Espanto, 48; at ang isang taong gulang na si Danica Gumpal. 
Lumalabas sa imbestigasyon na umagaw ng linya ang forward truck (PDF 602) na minamaneho ni Ricmar Camungao kaya nasalpok ang traysikel ng mga biktima.
 Kasalukuyang nasa kulungan ang drayber ng truck na si Camungao.