TUGUEGARAO CITY, Cagayan , Philippines – Nagdesisyon ang 56-anyos na ina na isama na lamang sa kanyang kamatayan ang binatang anak na may sakit sa pag iisip sa takot iwanan ito na mag-isa at walang mag aaruga matapos nilang tunggain ang softdrinks na may lason sa Barangay Soyung, bayan ng Echague, Isabela noong Linggo.

Kinilala ni P/Chief Insp. Melchor Ariola, hepe ng EchaÂgue PNP ang mag-ina na sina Elnora Nicolas at Christopher Nicolas, 25, kapwa nakatira sa nasabing lugar.
Lumalabas sa imbestigasyon na may iniindang karamdaman ang biyudang ina at takot na iwanan ang anak na nag-iisa sa buhay sa kanilang tahanan.

Gayon pa man, nagtungo ang mag-ina sa pampublikong sementeryo at sabay na tinungga ang softdrinks na hinaluan ng lason sa daga.

Kaagad namatay ang anak na sinasabing may deprensya sa pag-iisip habang ang ina naman ay nalagutan na ng hininga matapos isugod sa pagamutan.