MANILA, Philippines - Rehas na bakal ang binagsakan ng pito-katao sa inilatag na drug bust operation suspect ng mga tauhan ng Philippine Drug Enforcement Agency (PDEA) at lokal na pulisya sa Sitio Pag-asa, bayan ng Buenavista, Marinduque, ayon sa ulat kahapon. Pormal na kinasuhan ang mga suspek na sina Bryan Parico, Romeo “Nonoy†Rodejo Jr., Leoven “Carlo†Francisco, Raymond “Mon†Sajul, Harabini “Benz†Rodejo, Wenifredo “Jay†Barreno Jr. at isang menor-de-edad. Pinangunahan ni PDEA regional director Bryan B. Babang ang drug-bust operation matapos makakuha ng search warrant mula kay Judge Antonina M. Calderon-Magturo ng Boac Regional Trial Court Branch 94, Marinduque. Nasamsam sa mga suspek ang 31-plastic sachets na shabu, isang plastic sachet na naglalaman ng buto ng marijuana, rolyo ng aluminum foil at isang lighter.