BULACAN, Philippines – Kusang nagpasalubong kay kamatayan ang 27-anyos na mister na sinasabing may matinding selos sa kanyang misis matapos itong magbigti sa kanilang bahay sa Barangay Tarcan, bayan ng Baliwag, Bulacan kahapon ng umaga. Kinilala ng pulisya ang biktima na si Alexander Ignacio ng Sitio Mulawing Matanda sa nasabing barangay. Base sa imbestigasyon nina PO3 Dante Castillo at PO3 Maurice Cruz, bago maganap ang insidente ay nagkatampuhan ang mag-asawang Ignacio kaugnay sa pinagseselosan ng biktima na may ibang karelasyon ang kanyang misis. Bandang alas-6:30 ng umaga nang mamataan ang biktima na nakabitin sa pintuan ng kanyang bahay kung saan wala namang iniwang suicide note. Nabatid din na ikalawang pagtatangka nang mag-suicide ang biktima subalit sa natuluyan din sa ikatlo.