LEGAZPI CITY, Albay, Philippines - Napatay ang 36-anyos na barangay tanod makaraang pagbabarilin ng senglot na minero sa barangay plaza kahapon ng madaling araw sa Barangay Lahong, bayan ng Baleno, Masbate. Kinilala ang napaslang na si Alex Balbuena habang pinaghahanap naman ang suspek na si Aldrin Balbuena, 35. Base sa police report, lumilitaw na nagdaraos ng sayawan dahil sa nalalapit na kapistahan kung saan tinangkang sawayin ng biktima ang suspek na nagpupumilit na isayaw ang barangay treasurer na si Rosie Cortes. Gayon pa man, nagalit ang suspek hanggang sa mauwi sa suntukan subalit namagitan ang ilang barangay tanod. Umuwi ang suspek at nang bumalik ay pinagbabaril na ang biktima