MANILA, Philippines - Napaslang ang 43-anyos na diyakono matapos barilin ng di-kilalang lalaki sa harap ng kanyang pamilya sa Sitio Sarmineto, Barangay Dado sa bayan ng Alamada, North Cotabato noong Biyernes ng gabi. Kinilala ni P/Chief Insp. Joefrey Todeño, hepe ng Alamada PNP ang biktima na si Reynaldo Manganyan Gutoman. Sa inisyal na pagsisiyasat ng pulisya, pauwi ang biktima kasama ang kanyang pamilya mula sa pananambahan na may ilang metro lamang ang layo sa kanilang bahay nang harangin at barilin sa likurang bahagi ng katawan. Narekober sa crime scene ang basyo ng bala ng cal. 5.56 rifle habang patuloy pa ang imbestigasyon.